மேற்கு தொடர்ச்சி மலை அடிவாரப் பகுதியில் ஸ்ரீவில்லிபுத்தூர் மேகமலை புலிகள் வனச் சரணலாயத்தில் பெய்து வரும் கனமழை காரணமாக தேனி மாவட்டம் சுருளி அருவியில் வெள்ளப் பெருக்கு ஏற்பட்டுள்ளது.
இதனால், சுற்றுலா பயணிகள் குளிப்பதற்கு வனத்துறையினர் அறிவித்திருந்த தடை உத்தரவு 5-வது நாளாக இன்றும் தொடர்கிறது. தண்ணீர் வரத்து சீராகும் வரை அருவியில் குளிப்பதற்கு யாரும் வரவேண்டாம் என வனத்துறை அறிவித்துள்ளது.
கடந்த சில தினங்களாகவே சுருளி அருவியின் நீர்ப்பிடிப்பு பகுதிகளான அரிசி பாறை, ஈத்தக்காடு, தூவானம் அணை, வென்னியாறு மற்றும் சுருளி அருவியின் ஆற்றுப்படுகை பகுதிகளில் மழை பெய்து வருவதால் கடந்த 19-ம் தேதி முதல் தடை உத்தரவு அமலில் இருந்து வருகிறது.
